Bebe Rexha njihet për origjinën e saj shqiptare, dhe këtë nuk e ka mohuar asnjëherë. Madje në çdo intervistë ku i është kërkuar nga prezantuesit që të shfaqë origjinën e saj nëpërmjet gjuhës, ose gjesteve të ndryshme ajo nuk ka ngurruar që ta bëjë diçka të tillë.
Në videot e fundit që ka publikuar në ‘Instagram’ këngëtarja ka “zbuluar” se është një adhuruese e fshehtë e gatimit tradicional shqiptar. Atë të byrekut me djathë, ose me spinaq.
Madje në një moment në videon e saj ajo harron dhe pyet se me çfarë është duke pyetur mamanë e saj: “Me çfarë është ky tjetri?”, dhe e ëma e saj i përgjigjet se është me spinaq.
