Kryetari i PD, Lulzim Basha, ka deklaruar sot se do të vazhdojë betejën për largimin e Edi Ramës dhe qeverisë së tij të lidhur me drogën, pas mbledhjes së Grupit parlamentar të PD-së.
“Qeveria e rënë “de facto”, narkoshteti i ulur këmbëkryq në jetën e përditshme të çdo shqiptari janë shqetësimi më i madh i vendit, janë kauza kryesore e betejës opozitare. Edi Rama është sot një Kryeministër i rënë politikisht, i rënë moralisht, brenda vendit dhe jashtë vendit. Çdokush e tregon me gisht si njeriun që ideoi e zbatoi projektin e Shqipërisë “hambar droge”.
Mjafton të shikoni analizën e GdF: në 2013, 300 parcela droge. Në 2014 – 800 parcela droge; në 2015-2300 parcela droge dhe në 2016, 2086 parcela roge të zbuluara vetëm nga GdF, e cila vrojton 20% të territorit, jo më shumë se 20% të territorit.
Këtë vit që kultivimi i drogës nuk është si në 2016, Edi Rama bërtet “Fitore”. Në fakt nuk është as Edi Rama, as Policia e korruptuar e Haki Çakos për këtë rënie prodhimi, por çmimi. Shkoni në Tepelenë, më lirë do të blini kanabisin sesa çajin e malit, 50-80 euro, kg e kanabisit sepse mijëra tonelata kanabis presin të trafikohen drejt Evropës.
Jemi në kushtet e një narkorepulbike që nuk ka më asnjë legjitimet. Zgjidhja është largimi një orë e më parë i Edi Ramës, krijimi i një qeveria antimafia, e cila të shembë lidhjet me krimin dhe këtë nuik mund ta bëjë Edi Rama me marrëzirat e tij, “planet sekrete”. Planet kundër krimit gjithmonë janë sekrete. Kuj ia shet Edi Rama këto dëngla?! Zgjidhaj e vetme për vendin jo thjesht për Ramësn është largimi nje orë më parë i këtij njeriu.
Opozita do të vazhdojë betejën për largimin e Edi Ramës dhe qeverisë së tij.
Largimin e Edi Ramës dhe të shembë lidhjet e krimit me politikën. Kemi një strategji që po shpaloset ditë pas dite, javë pas jave. Kjo javë që ka nxjerrë në pah dhe një aspektet e kësaj qeveri të shëmtuar sic është transporti i parave kesh dhe do të kemi një përballje totale të opozitës në seancën plenare.”
Posted by Lulzim Basha on Montag, 6. November 2017
