Rreth 30 persona janë shoqëruar natën e kaluar në Kukës nga policia, pjesëmarrës në protestën e djeshme në Rrugës së Kombit. Numri i saktë i të shoqëruarve nuk dihet, pasi ende nuk ka një informacion zyrtar nga autoritetet.
Prej mëngjesit të sotëm, një numër në rritje banorësh janë mbledhur para komisariatit të Kukësit. Ata thonë se nuk dinin asgjë për njerëzit e tyre, që ishin marrë natën nga banesat.
Burime jo zyrtare bëjnë të ditur se të shoqëruarit nuk po mbahen në komisariatin e Kukësit, por nuk dihet destinacioni i tyre, çka ka shqetësuar familjarë e miq, që po qëndrojnë në pritje të një informacioni para drejtorisë së policisë Kukës./abcnews.al
