Nice është kthyer te fitorja pas gjashtë humbjeve radhazi të pësuara në të gjitha kompeticionet dhe pas katër humbjesh të njëpasnjëshme të pësuara në kampionatin francez.
Kuqezinjtë kanë mundur me rezultatin 1-0 ekipin e Dijon në shtëpi. Protagonisti i ndeshjesh ka qenë Mario Balotelli, i cili ka realizuar golin e fitores në minutën e 39-të me penallti. Ky ka qenë edhe realizimi i tij numër gjashtë në kampionatin francez.
Gjithçka ka shkuar mirë për sulmuesin italian deri në minutën e 89-të të ndeshjes, kur ai është ndëshkuar me karton të kuq nga arbitri Thual.
Ish-lojtari i Inter, Milan, Manchester City dhe Liverpool ka bërë një ndërhyrje të panevojshme nga mbrapa ndaj një lojtari të Dijon duke shkaktuar faull dhe ky gjyqtari i takimi nuk është menduar dy herë, ndoshta duke u nxituar, për t’i dhënë atij të kuqin direkt. Më shumë se ndërhyrja, duket se ka qenë reputacioni që ka ndëshkuar “SuperMario”-n.
