Reperi nga Shqipëria, Stresi është shumë i përfolur në mediet rozë.
Ai është shumë aktiv me projekte muzikore, kënga e fundit është “Sa herë e don”, të cilën e solli në bashkëpunim me Anxhelo Kocin dhe Flor Banën.
Por, krahas kësaj ai ka qenë shpesh në kryetitujt e medieve rozë edhe për jetën private.
Gjatë vitit 2017 ishte raportuar se Stresi është ndarë nga e dashura e tij, Kejsi, megjithatë duket se mosmarrëveshjet kanë mbetur prapa dhe dyshja janë ribashkuar.
Në një video që ka postuar së fundi në Instagram, Stresi ka treguar se është shumë romantik, duke befasuar të dashurën me një trëndafil.
Derisa ishte duke vozitur, reperi ka ndalur veturën dhe me vrap e ka “rrëmbyer” një trëndafil në një skaj të rrugës, më pastaj është kthyer në veturë dhe ia ka dhuruar Kejsit, e cila e filmonte.
