Komisioni i Venecias ka miratuarn opinionin përfundimtar për Vettingun në politikë, propozim ky i Partisë Demokratike si një mekanizëm për të spastruar politikën nga personat me lidhje me krimin. Por në amendamentet përfundimtare të përfshira në draftopinionin përfundimtar, propozimet e PD janë ndryshuar nga ekspertët e Venecias.
Venecia ka saktësuar se shtetet kanë të drejtë të kufizojnë të drejtën për t’u zgjedhur. Sipas Komisionit të Venecias, në varësi të situatës politike, një kufizim për një rrethanë të caktuar, që mund të jetë i nevojshëm për një shtet, mund të mos aplikohet për një shtet tjetër.
Draftopinioni përfundimtar i miratuar nga Komisioni i Venecias
Për PS-në ky është një argument i mjaftueshëm për të rrëzuar Vettingun në politikë. Ndërsa për opozitën mbetet një tentativë e pasukseshme por që i jep një fitore të vogël edhe atyre pasi rikthehen në parlament javën e ardhshme. Me këtë rast, PD dhe LSI do shpëtojnë edhe mandatet pasi janë në prag të djegies së tyre për shkak të mungesës në seancë prej muajit korrik.
