Ministri Fatmir Xhafaj deklaroi nga Lezha se është spekuluar lidhur me ligjin e vettingut në polici.
Teksa ka pasur pretendime jo vetëm në rradhët e uniformave blu por edhe sindikatave të policisë për vështirësi në sigurimin dhe plotësimin e dokumentacionit, Xhafaj tha se këto janë çështje teknike dhe nuk do ketë penalitete pse x ngatërroi kolonën 2 me 7 në formular.
Ai tha se vettingu synon të godasë policët e inkriminuar dhe të korruptuar, duke sjellë si shembull efektivin e rrugores që u bë pronar hoteli.
Fatmir Xhafaj: Dua të distancohem nga disa spekulime lidhur me këtë proces. Ky nuk është proces letrash dhe as formularësh sepse X, Y nuk arriti ta plotësojë në kohë apo sipas formës më të mirë të mundshme që është kërkuar. Kjo është më pa e rëndësishme.
Janë shumë i kënaqur që pjesa dërrmuese e ka dorëzuar formularin, sepse nuk do të shohim nëse mungon një apo dy dokumente, nuk e kemi ne me atë policin që e vuri në kolonën 2 apo 7.
Por e kemi me ata që janë policë qarkullimi por dhe pronar hoteli. Nuk mund të jetë të dyja. Se hotelin nuk e bëri nga motori por nga xhepat e qytetarëve që u ka vjelur në rrugë padrejtësisht.
E kemi me ata. 1, 2, 3 , 10 sa janë. E kemi me ata që në mëngjes shkojnë në zyrë e veshin uniformën e policit dhe pasdite dalin dhe u japin garanci atyre çfarë kanë bërë paradite. Me ata e kemi nuk e kemi se plotësuan formularin gabim apo pse nuk plotësuan një dokument. Nuk e kemi fare me këta. Është spekullim. E kemi me pak nejrëz që kanë cënuar imazhin e policisë.
