Komisioneri për Mbrojtjen nga Diskriminimi dhe Qndra për Bashkkëpunim Ndërfetar me një status në Facebook reagon për ngjarjen e rëndë e ndodhur pak ditë më parë në Kombinat ku nëna dhe vazja u vetëflijuan për “Ringjalljen”.
Komisioneri për Mbrojtjen nga Diskriminimi shpreh ngushëllimet për familjen Josifi për humbjen e pakuptimtë të dy jetëve, si dhe fton mediat të raportojnë ngjarjen me standartet e kodit të etikës dhe përmbajtjes në mos diskrimiimin e komuniteteve fetare.
Statusi i plotë i Komisioneri për Mbrojtjen nga Diskriminimi:
Deklaratë e Komisionerit për Mbrojtjen nga Diskriminimi dhe Qendrës për Bashkëpunim Ndërfetar
KMD dhe QBNF ngushëllojnë familjen Josifi për humbjen e pakuptimtë të dy jetëve dhe mbështet hetimet gjithëpërfshirëse të Prokurorisë e Tiranës për rrethanat e ngjarjes që tronditën opinionin publik.Në këtë kontekst, ftohen mediat të raportojnë ngjarjen me standartet e kodit të etikës dhe vetëpërmbajtje në mos diskriminimin e komuniteteve fetare, me etiketime që cenojnë dinjitetin e njeriut dhe besimin fetar.Ngjarje me ndjeshmëri të lartë publike kanë nevojë të trajtohen nga institucionet shtetërore, njerëzit me profil publik, por edhe nga kompanitë mediatike me seriozitet dhe në respektimin të lirisë së besimit të çdokujt.Komisioneri për Mbrojtjen nga Diskriminimi garanton çdo qytetar dhe komunitet që i cenohet dinjiteti për shkaqe diskriminimi.
