Qeveria miraton planin e veprimit antitrafik të personave si pjesë e strategjisë kundër krimit të organizuar. Vendimi u mor sot në mbledhjen e këshillit të ministrave, ndërsa u njoftua nga ministri i brendshëm Bledi Çuçi, në një prononcim për mediat.
“Sot miratuam planin e veprimit antitrafik të personave si pjesë e strartegjisë kundër krimit të organizuar. Plani përmban veprime konkrete të shumë institucioneve shtetërore.
Qasja është shumëdimesionale, që nis nga parandalimi i fenomenit te rehabilitimi i personave. Është pjesë e një strategjie 4 vjecare, është përgatitur nga institucionet shqiptare dhe partnerët tanë që na ndihmojnë në këtë fushë.” -u shpreh Çuçi.
