Një punonjës policie është vënë në pranga në Velipojë, pasi kishte dalë garant për transportin e 1 ton kanabisi për në plazhin e Vilunit.
Burime nga policia thanë se është vënë në pranga Enrik (Prel) Zylja. Ai është prangosur në momentin që ishte duke transportuar drogën me anë të një furgoni.
Ai është vëllai i zv/Drejtorit të Policisë së Kufirit, Ndrek Zylja.
Pikërisht nga frika e dekonspirimit, operacioni antidrogë është mbajtur sekret ndaj punonjësve të Policisë së Shkodrës, ndërsa ndërhyrja është bërë nga Forcat e Ndërhyrjes së Shpejtë nga Tirana.
