Vedat Muriqi, arriti të firmoste një kontratë 4-vjeçare me ekipin e Fenerbhaces, duke bërë kështu një ‘kapërcim’ të madh në aspektin personal.
Në ditët që futbollisti po nënshkruante me ‘gjigantët’ e Superligës së Turqisë, kontratën e jetës, vëllai i lojtarit, Narçin, ka ndarë një moment emocionues që i referohet babait të tyre.
Më parë Vedat Muriqi, ka qenë shprehur për babain i tij, se edhe ai ka qenë një futbollist, por pas një sulmi në zemër, vdiq në fushë.
“ E kam përjetuar keq vdekjen e babait, isha vetëm shtatëvjeçar. Edhe babai im ka qenë futbollist”.
“Ai ishte ndër më të mirët në këtë sport. Por pas një sulmi në zemër duke luajtur futboll, vdiq midis fushës. Babai ka kërkuar që të bëhem futbollist dhe këtë ia kam arritur”, ka pohuar ai.