Australia ka regjistruar rritjen më të madhe ditore të vdekjeve si pasojë e Covid-19. Shteti i Victorias raportoi 19 viktima nga koronavirusi, teksa kontinenti po përballet me rritje të rasteve të reja.
Sipas mediave të huaja, Victoria gjatë 24 orëve të fundit konfirmoi gjithsej 3337 të prekur nga COVID-19.
Në përpjekje për të ngadalësuar përhapjen e epidemisë, vendi implementoi masa të rrepta javën e kaluar, përfshirë zbatimin e orës policore.
Ndërkohë, edhe pas zbatimit të këtyre rregullave, situata në vend mbetet ende sfiduese, pasi rastet me koronavirus vazhdojnë të rriten.
Numri i përgjithshëm i të prekurve në Australi u rrit në 21 mijë, ndërsa 313 persona kanë ndërruar jetë deri më tani.
