Familjarët e Aida Çajkës kanë akuzuar fort mjekët për vdekjen e së afërmes së tyre. Vëllai i saj, menjëherë pas ngjarjes, pati hedhur akuza të forta, si ndaj mjekëve të “Shefqet Ndroqit” ashtu edhe ndaj atyre të QSUT-së.
“Unë erdha sapo më lajmëruan se motra ishte sëmurë. Ndërsa këtu, në orët e para të mëngjesit, pasi na thanë që foshnja ishte gjallë dhe futën motrën në sallë, nuk po na jepte askush përgjigje. Unë isha në ankth, doja të mësoja ndonjë gjë se çfarë po bëhej.
Pyesja infermierë, doktorë, askush nuk më kthente përgjigje. Motra ime vdiq nga sorollatja, nga neglizhenca e mjekëve dhe infermierëve, nga vonesa për t’i dhënë ndihmën mjekësore”, pati deklaruar ai.
