Pas vrasjes tragjike dje në Tiranë e Ariela Muratit, studente e juridikut nga një student i Universitetit të Mjekësisë, ka folur për herë të parë publikisht për ngjarjen edhe drejtoresha e gjimnazit “Sotir Çapo” në fshatin Zharrëz të Patozit, vendi ku besohet se e ka zanafillën historia e dy të rinjve.
Drejtoresha e gjimnazit Mirela Nasto ka thënë se lidhja e tyre ka qenë një legjendë që nga gjimnazi. Drejtoresha tregon se Ariela ka qenë nxënëse shembullore dhe se Aldison Belulaj nuk ka qenë kurrë problematik ka qenë sistematik dhe i rregullt.
Përveç drejtoreshës ka folur edhe mësuesja që ka patur në kujdestari Aldisonin:
“Unë kam pasur në kujdestari djalin. Ka qenë tip i qetë, jo shumë i lëvizur.
E kam njohur edhe vajzën, ajo ishte dy vite pas tij. Unë i jepja mësim lëndën e anglishtes.
Vajza ishte nxënëse ekselente, një nga vajzat më të mira të shkollës”, ka thënë ish-mësuesja e dy të rinjve.
Shkolla e mesme “Sotir Capo” e Zharrëzit në Patos prej shumë orësh është në qendër të fokusit të medias, për shkak të ngjarjes tragjike ku u përfshinë dy ish nxënësit e saj. Biseda për këtë histori ka qenë edhe ajo që ka dominuar edhe fillimin e javës ne kete shkolle dhe ne te gjithe zonen ku edhe banojne familjet e dy te rinjve.
Përgatiti:AlpeNews.al
