Nenkryetari i LSI nuk rresht se kembenguluri se nuk ka asnej perçarje brenda grupit parlamentar te LSI, madje nuk ka as “rebele” sikurse shkruajne mediat.
Kreu i Grupit Parlamentar të LSI, Petrit Vasili i ftuar ditën e sotme në emisionin “7 pa 5”, ka folur në lidhje me vendimet e fundit që ka marrë partia ku ai aderon, ndërkohë që është prononcuar edhe për mosbindjen e supozuar të deputetëve të kësaj force.
Sipas Vasilit, tre deputetët e LSI Vangjel Tavo, Lefter Koka dhe Robert Bitri nuk kanë shprehur asnjë mosbindje ndaj vendimeve të partisë, por qëndrimi i tyre në Parlament edhe pas bojkotimit të seancës plenare nga opozita ka qenë plotësisht për arsye personale dhe për shkak të detyrës së tyre si përfaqësues të popullit.
“Vazhdojmë me një gjë serioze. Z.Tavo po jua them shqip, ka pasur një problem familjar dhe ishte koha për të respektuar 6 mujorin për respektin e mandatit, z. Koka qëndruan bashkë vetëm për të mos qëndruar vetëm në sallë. Po e njëjta gjë z. Bitri ka dalë është sqaruar vetë me ju”, ka thënë Vasili, duke i dhënë fund fjalëve për një përçarje të Lëvizjes Socialiste për Integrim.
