Në një postim në Facebook, kreu i grupit parlamentar të LSI-së, Petrit Vasili u ka kujtuar të gjithë komentin që kryeministri i vendit Edi Rama ka bërë për Donald Trump, i cili ka kaluar tashmë një vit në drejtimin e SHBA-ve.
“Trump fitonte, shkollëpakti këpuste dokrra liliputësh. Një vit më parë Trump realizoi një fitore historike. Fitoi ndaj llafazanëve, dënglaxhinjve, njerëzve të farsës dhe jo të përmbajtjes, ndaj hipokritëve të pacipë dhe bosh, njerëzve që nuk e duan vendin e tyre por e kanë atdheun plaçkë tregu, njerëzve që nuk luftojnë papunësinë dhe varfërinë por i thellojnë ato. Dhe Amerika e vlerave të mëdha iu përgjigj. Patëm edhe ne një shkollëpakët, kryeministër i thonë disa, që e quajti fitoren e Trump fatkeqsi botërore etj etj budallallëqe të tjera, që shkollëpakësia prodhon. Leje te varfrin mos e nga, thonë në fshatin tonë për të tillë të shkarë si ky shkollëgremisuri”, shkruan Vasili.
