Nënkryetari i LSI, Petrit Vasili, ka reaguar pas të dhënave të raportit të Bankës Botërore, “Doing Business 2018” për Shqipërinë.
Me ironi, Vasili shkruan se “Doing Business” gabon dhe se qeveria e ka kaluar planin e drogës.
“Ky shkollëpaku, heq e vë prefektë, lexon vjersha që ia bëjnë ministrat që e tallin dhe fle rehat se mendon se e zgjidhi ekonominë”, shkruan Vasili.
Petrit Vasili i kujton kryeministrit Rama se në raportin e “Doing Business”, renditja e Shqipërisë sa i përket taksave, ka rënë 28 vende vetëm në 1 vit.
“Qeveria e kryeministrit të trafikut të drogës s’ka faj, se me drogën shumë mirë është, me realizim dhe tejkalim të paparë plani”, shkruan nënkryetari i LSI në përfundim të reagimit të vet në Facebook.