Mijëra njerëz janë mbledhur në Jemen për funeralet e dhjetra fëmijëve të vrarë gjatë një sulmi në një autobus javën e kaluar. Varrimi masiv u bë në Saada, një bastion verior i rebelëve të Houthit.
Trupat e fëmijëve u mbështollen me mbulesa të bardha dhe mbaheshin në makina me logo Houthi.
Autoritetet lokale thonë se 51 vetë mbetën të vrarë, ku 40 prej tyre ishin fëmijë, në sulmin ajror të autobusit që po udhëtonte në Dahyan, në provincën Saada, të enjten e kaluar. Shumica e fëmijëve ishin të moshës nga 10 deri në 13 vjeç.
Të hënën, Ministri i Punëve të Jashtme të Emirateve të Bashkuara Arabe Anwar Gargash tha se: “Lufta nuk është diçka që në të vërtetë mund të jetë një operacion i pastër”, sipas agjencisë së lajmeve Associated Press.
Zyrtarët e Houthit e kanë quajtur “një krim nga Amerika dhe aleatët e tij kundër fëmijëve të Jemenit”. E ndërsa Sekretari i Përgjithshëm i OKB-së Antonio Guterres ka bërë thirrje për një “hetim të pavarur dhe të shpejtë” për këtë sulmin ajror.
/AlpeNews.al
