Prej muajsh sitata epidemiologjike në Shqipëri është përmirësuar, por mutacionet e virusit kanë “frikësuar” vendin.
Rastet me variantin Delta u dyshuan në Qrkun Gjirokastër, një studente në fshatin “Asim Zeneli” e cili ka qenë jashtë shtetit ka shfaqur komplikacione dhe një tjetër 45-vjeçar nga Përmeti i cili ka qenë edhe ky jashtë Shqipërie. Të dy rastet po trajtohen në shtëpi dhe nuk kanë komplikacione. Pas këtij njoftimi ka reaguar edhe ISHP (Instituti i Shëndetit Publik) ku shprehet se në Shqipëri ende nuk ka asnjë rast të dyshuar. (KLIKO)
Dën e sotme ka reaguar ministrja Ogerta Manastirliu ku bëri me dije se ka sinjale të pazakonta nga analizat e kryera në ISHP, për prezencën e variantit Delta në Shqipëri.
“Në Institutin e Shëndetit Publik janë duke u bërë analizat dhe është vlerësuar që një seri mostrash, të cilat janë identifikuar si sinjale të pazakonta, të çohen në Laboratorin e Referencës në Gjermani, për të bërë vlerësimet e mëtejshme dhe për t’u bërë sekuencimi genomik, në mënyrë që të shihet nëse ka një qarkullim të mundshëm të variantit Delta në Shqipëri”, bëri me dije Manastirliu.
Në një intervistë mjeku infeksionit Gent Stroni tregoi simptomat që mund të sinjalizojnë se jemi të infektuar nga varianti Delta.
“Kur është folur për Alfën dhe Betën ne e nisnim me humbje shije, nuhatje e me radhë. Aktualisht ne nuk i kemi këto tek Delta, por ne kemi një dhimbje koke, kemi raninozë ose hundë pra rufë. Kemi dhimbje fyti dhe më mbrapa mbivendoset dhe kolla. Këto në fakt janë shenja që janë pothuajse në të gjitha virozat, qofshin këto edhe virozat e stinës, megjithatë këtu duhet bërë dhe diferencimi. Nëse ne shikojmë që përhapja e kësaj viroze është e shpejtë në shumë persona në të njëjtën kohë, atëhere detyrimisht duhet të ndalojmë për të parë dhe për të bërë dedektimin, analizimin dhe më mbrapa edhe gjetjen e variantit”, është shprehur Gent Stroni.
Siptoma më e zakonshme e këtij varianti janë hundët me rufë, ndryshe nga covid-19 që nuk e ka pasur.
Çfarë duhet të dini për variantin Delta?
Varianti Delta, që fillimisht është identifikuar në Indi në tetorin e vitit 2020, nga Organizata Botërore e Shëndetësisë është futur në grupin e varianteve shqetësuesetë sëmundjes COVID-19. Varianti Delta tashmë është përhapur në mbi 90 shtete të botës dhe OBSH-ja ka thënë se Delta po bëhet varianti dominues i koronavirusit në mbarë botën.
Varianti Delta tashmë është dominues në Mbretërinë e Bashkuar, Anthony Fauci, e ka cilësuar këtë variant si “kërcënimin kryesor” në përpjekjet e SHBA-së për ta mposhtur pandeminë COVID-19.
A janë efektive vaksinat ndaj variantit Delta?
Që prej përhapjes së variantit Delta janë kryer disa studime, për të parë nëse vaksinat ekzistuese kundër COVID-19 janë efektive ndaj këtij varianti.
Sipas një studimi të kryer nga hulumtuesit e Universitetit të Oksfordit, vaksina e prodhuar nga AstraZeneca dhe ajo nga Pfizer/BioNTech mbeten gjerësisht efektive ndaj variantit Delta.
Sipas studimit, vaksina Moderna është shumë më efektive në prodhimin e antitrupave ndaj variantit Delta sesa ndaj variantit Beta, që fillimisht është identifikuar në Afrikën e Jugut.
Alpenews.al
