Ministrja e Shëndetësisë ka postuar një video ku jepen momente nga vaksinimi masiv të popullsisë ku personat në moshën e tretë kanë qenë ndër prioritetet kryesore.
“Me lajmin e mirë se, më shumë se 200,000 gjyshe dhe gjyshër janë sot më të mbrojtur nga covid19 ju uroj një ditë të mbarë”, shkruan Manastirliu.
Në Shqipëri po përdoret më tepër vaksina kineze anti Covid. Në të gjithë Shqipërinë janë ngritur pika të vaksinimit, duke përfshirë edhe personelin ushtarak në kryerjen e këtij procesi. Synimi i qeverisë shqiptare është që brenda majit të vaksinohen rreth 500 mijë shqiptarë.