Një vajzë në qytetin e Durrësit ka alarmuar familjarët e saj me largimin nga shtëpia, por më pas i ka habitur edhe më shumë me deklaratën e saj pas kthimit në banesë.
Një vajzë e re, vetëm 19 vjeçe, është larguar nga shtëpia në Xhafzotaj të Durrësit në datë 17 maj.
Pasi ka pritur rreth 24 orë kthimin e saj, babai i vajzës, 42-vjeçari A.H. i është drejtuar ditën e premte policisë së Durrësit për ndihmë.
Por fatmirësisht nuk ka vonuar kthimi në shtëpi i 19-vjeçares Xh.H. Ajo ka deklaruar para familjarëve dhe efektivëve të policisë se është larguar me dëshirën e saj.
Pavarësisht kësaj deklarate, policia e Durrësit ia ka kaluar çështjen për ndjekje të mëtejshme Prokurorisë së qytetit bregdetar.
