Çim Peka, gazetari i familjes Berisha zbulon aktivitetin më të fundit të presidentit të Republikës Ilir Meta në Bjeshkët e Sharrit dhe në pikën turistike të Prevallës dhe të Brozovicës.
Përmes një “kolazhi” fotosh, këshilltari i jashtëm i Presidentit paraqet Metën të veshur me rroba ushtarake, një pamje “luftarake” që përshtatat më së miri dhe tekstin e mesazheve politike që dërgon herë pas here kreu i shtetit.
Duket se “dora” e Çimit ka qënë vendimtare qoftë në mesazhin e “terapisë së këmbëve me ujë bore” dy ditë më parë, të “krimbave që u bënë flutura” të një dite më parë dhe të mesazhit të sotëm dërguar Bashës, që e “përgëzonte” për “fitoren 85 përqind” në zgjedhjet e 30 qershorit.
Mbetet mister se përse ka bërë sërish ndryshim Çimi në qëndrimin e tij ndaj Bashës, pasi disa javë më parë deklaronte se kreu i PD është i dënuar për të qënë kryeministër i vendit.
Megjithatë, referuar pozave të marra në “kolazhin” fotografik të realizuar nga ana e Çimit me kreun e shtetit, del dalëngadalë në pah fakti se kush është ‘frymëzuesi’ real i mesazheve të forta të Ilir Metës për Ramën, Bashën, politikën në përgjithësi por dhe për SHBA e BE.
