Kryeministri i Republikës së Shqipërisë, Edi Rama ka bërë urimin e tij në ditën e fundit të vitit 2020.
Rama nuk harroi të përmendte tërmetin dhe pandeminë, duke e cilësuar këtë vit si më të vështirin, si më sfiduesin gjatë karrierës së tij politike.
Kreu i Qeverisë falenderoi në veçanti bluzat e bardha që kanë qenë në vijën e parë të zjarrit pas shfaqjes së pandemisë së koronavirusit. Ai premtoi se në janar 2021 paga e mjekëve do të shtohet me 40% ndërsa e mësuesve me 15%.
Ai gjithashtu tha se në fillim të vitit 2021 do të mbërrijë në vend vaksina e covid-19, e cila do të jetë falas dhe jo e detyrueshme për popullatën.
“Ky ishte viti ynë më i vështirë. Ne shqiptarët ardhja e armikut të padukshëm ishte një kafshatë e pakapërdishme pas atij tërmeti shkatërrimtar. Kjo shtuar dhe presionin psikologjik. Patëm shumë viktima. Të reja dhe të rinj që e patën të pamundur shkollimin. Mijëra humbën vendin e punës për disa muaj të tërë. Ky vit ishte sfidë e madhe. Jam krenar për të gjithë ju, për bluzat e bardha që janë në vijën e parë se flaë tyre ne qendruam, luftuam dhe po luftojmë. I rezistuam goditjes shumë të egër të tërmetit. Shkollat e reja po rilindin, me shumë hapësirë dhe komoditet. Po rilindin dhe shtëpitë e personave të mbetur të pastrehë. Nuk ka kënaqësi më të madhe për mua se hapja e dyerve të shtëpisë për ta. Puna vazhdon çdo ditë dhe çdo natë. Punonjësit janë të angazhuar ditë e natë. Përpjekja jonë vazhdon çdo ditë kundër luftës ndaj armikut të padukshëm, për të siguruar vaksinën në muajt e parë të vitit të ardhshëm. Vaksina do të jetë falas dhe jo e detyrueshme. Do të ndihmojë shumë, por nuk do mund ta zhdukë virusin. Ne ndërkohë do punojmë shumë dhe mundësojmë rimbursimin e të sëmurëve. Nga janari bluzat e bardha do të paguhen me 40% më shumë ndërsa mësuesit me 15% më shumë. Jemi krenarë për të gjithë. Imagjino sikur tërmeti dhe pandemia të na ndodhte 7 vjet më parë, larg qoftë.
Urime miqtë e mi, qoftë një vit dhe një dekadë e mbarë për ju dhe gjithë shqiptarët. Zoti i bekoftë shqiptarët dhe Shqipërinë”, tha gjatë urimit të tij kryeministri Rama.
