Faik dhe Shkëlzen Buci, babë e bir kanë dalë sot para gjykatës në pritje të vendimit për vrasjen e Eglantina Bucit.
Siç shihet dhe nga fotot në seancë Faiku dhe i biri jo që nuk duken të penduar por as nuk e vrasin mendjen fare që do të dënohen për këtë krim tronditës, pasi shfaqen të qetë, madje babai shihet teksa bën dhe muhabet me policët.
23 vjeçarja është vrarë në 2012 në Malin me Gropa nga vëllai i saj, me urdhër të babait.
Ata nuk ia falën kurrë Eglantina Bucit faktin që kishte krijuar një lidhje intime me fqinjin dhe ishte larguar të jetonte me të. Jo vetëm kaq por ata e akuzojnë atë për prostitucion, madje kanë tentuar disa herë që ta vrasin, por nuk kanë mundër, derisa i ngritën një kurth përmes mikut të tyre, të cilit i kërkuan të krijonte lidhje intime me të.
