Ministrja e Infrastrkturës dhe Energjisë, Belinda Balluku tha sot se në fund të marsit do të hapin tunelin nr.3 tek Dogana, dhe kjo do të lehtësojë shumë trafikun në zonën e Unazës së re.
Në një intervistë për Report Tv, Balluku tha se kjo do të jetë një lirshmëri për shoferët që duan të shkojnë në Durrës apo të kthehen në Tiranë.
“Sa i përket Unazës së Tiranës kemi hapur një nga tunelet më të rëndësishme, tunelin nr.4 që tërheqë trafikun që vjen nga Tirana. Në ditët e fundit të Marsit do të hapim tunelin nr. 3 dhe ky do të shmangë shumë trafikun. Të gjithë qytetarët nuk do të qëndrojnë më për orë të tëra duke pritur në atë zonë”, – tha Balluku.