30 vjeçari nga Anton B., dyshohet se dje në mbrëmje e ka vrarë me armë zjarri bashkëshorten e tij, 30-vjeçare Emine Abazi në qytetin Salzgitter të Gjermanisë të hënën në mbrëmje në sy të fëmijëve.
Përveç vdekjes së Eminës, Antoni po ashtu dyshohet që e ka plagosur edhe një shoqëruese të bashkëshortes së tij gjatë ngjarjes, shkruan “Bild” në Gjermani.
Viktima e cila mbeti e vdekur në vend, bëhet me dije se është nga fshati Drejë i komunës së Istogut.
Hetimet e para thonë që shkak për vrasjen ishte një grindje mes çiftit, që i përkisnin komunitetit ashkali.
Siç raporton e përditshmja gjermane, Antoni dhe Eminja nuk kanë qenë të martuar sipas ligjit gjerman, por kanë pasur katër fëmijë së bashku.
Ndonëse ishin bashkë prej 7 vitesh, thuhet se çifti qe një kohë të gjatë kishin mosmarrëveshje mes vete.
