Prindërit e Hasime Dafkut kanë folur sot në emisionin “Me Zemër të Hapur” në Neës24, pak ditë pas tragjedisë që kaploi familjen e tyre nga dora e Dan Hutrës.
Hasime kishte pak kohë që ishte martuar me vëllanë e Elena Hysës, ish-partnerja e Dan Hutrës. 30-vjeçarja mbeti viktimë e Hutrës, së bashku me kunatën e saj, moshatare.
Prindërit e Hasimes thonë se nuk kanë pasur dijeni se familja Hysa ka pasur konflikte me Hutrën, ndërsa tregojnë se vajza e tyre është njohur me burrin e saj, Fatos Hysa, përmes një shkuesi. Në dhjetor ajo është martuar, dhe ishte rreth një muajshe shtatzënë.
Pjesë nga biseda:
Babai: Njohja është bërë me shkuesi, i njihte të dyja familjet. Erdhi këtu dhe më tha mua, thash do vijmë në Kukës, panë njëri-tjetrin, pyetëm si familje dhe na thanë se janë familje e mirë… sot s’ke garanci për vajzat, vetëm t’i mbash në shtëpi, se s’ka shtet. Këto gjërat e tjera që ka pasur motër të martuar, nuk i kemi ditur fare. E dhashë, mbas një jave e martova.
Si e njihje shkuesin?
Babai: Është e zonës tonë, e njihnim edhe më parë, është me shtëpi atje (Tiranë), e ka shtëpinë në Paskuqan. Ne nuk kemi ditur se kanë pasur mik këtë zotërinë, se po ta dija se ka konflikte, unë nuk e jepja sot e 500 vjet.
Ke folur pas tragjedisë me zonjën?
Jo
A ka ardhur t’ju ngushëllojë?
Jo
A keni një mesazh për këtë grua?
Ajo nuk e ka ditur se është kjo ngatërresë…
Po e justifikoni në këtë mënyrë, por përderisa është fqinje me familjen, e gjithë zona e ka ditur martesën e Elenës me Hutrën…
Nuk e ka ditur. S’kam çfarë të them, sepse nuk e ka ditur.
Nëna: Kishte një muaj e ca e martuar kur na dha lajmin që ishte shtatzënë. Ishte gëzim i madh.
