Një fotografi e publikuar ditën e enjte nga zëdhënësja e ish-Kryeministrit Sali Berisha, Erla Mëhilli ka krijuar aludimet e para në media që flasin për një takim mes ish-liderit historik të PD-së dhe ish-Kryeparlamentares Jozefina Topalli.
Kjo pasi nga fotografia dallohet qartë ish-deputetja Topalli dhe stafi i Berishës mes të cilëve zëdhënësja e tij, Erla Mëhilli.
Kjo foto është shkrepur në paradhomën e zyrës së Berishës dhe mendohet se është bërë fill pas takimit të Topallit me të.
Zyrtarisht asnjë nga dy figurat historike të PD-së nuk kanë komentuar të tilla aludime.
Megjithatë nuk është sekret tashmë që Topalli është një nga kritiket kë të ashpra të kreut të PD-së Lulzim Basha. Po ashtu edhe raporti mes saj dhe Berishës, pas humbjes së zgjedhjeve dhe mbi të gjitha pas zgjedhjeve brenda PD-së, kanë patur luhatje.
Vetë Berisha e pati cilësuar “tradhëti” lënie jashtë listës së kandidatëve për deputet të figurave të rëndësishme të PD-së mes të cilëve edhe Topalli.
Por si duket, dy figurat e rëndësishme i kanë lënë pas debatet në distancë dhe kanë vendosur të takohen mes tyre./ bw