Një kinez, gruaja e të cilit vrau veten dhe dy fëmijët e tyre, është dorëzuar në polici pasi ka falsifikuar vdekjen e tij.
34-vjeçari u konsiderua i vdekur pasi makina e tij u gjet në një lumë, ndonëse trupi i tij nuk u zbulua kurrë.
Ai nuk i tregoi asgjë gruas së tij për planin, e cila, për shkak se nuk e përballoi dot “vdekjen” e burrit, u hodh në pellg së bashku me fëmijët.
Vdekja e saj dhe e fëmijëve u mësua nga një shënim vetëvrasjeje që ajo kishte postuar në internet.
Sipas Zërit të Kinës,trupat e gruas së tij 31-vjeçare, djali të tyre 4-vjeçar dhe vajzës 3-vjeçare u gjetën më 11 tetor në një pellg pranë shtëpisë së tyre.
BBC raporton se burri, identiteti i të cilit nuk bëhet i ditur, u dorëzua në polici në qarkun Xinhua të premten e kaluar.
Para dorëzimit në polici, ai kishte postuar një video në internet ku shprehej se kishte huazuar paratë për të paguar trajtimin e vajzës së tij, e cila vuante nga epilepsia.
Ai është arrestuar me akuzën për mashtrim të sigurimeve dhe dëme të qëllimshme ndaj pronës.
Skema e Vdekjes
Në fillim të shtatorit, ‘Ai’, sikurse e cilëson BBC, bleu një plan të sigurimit të makinës që përdori për të shtirur vdekjen e tij.
Plani i sigurimit kishte vlerën e 1 milion juan (145 mijë dollarë).
Sipas një raporti, gruaja e tij u emërua si përfituese, sikurse e kishte planifikuar edhe ai vet.
