Një grua në Australi është arrestuar pasi, nëpërmjet mashtrimit me një faqe për mbledhje fondesh, ka arritur të marrë nga qytetarët një shumë parash prej 55 mijë dollarësh.
Lucy Wieland hapi një llogari në “GoFundMe” për të kërkuar ndihmë financiare, me pretekstin se vuante nga kanceri i vezoreve.
Për të qenë më e besueshme, 27-vjeçarja ka përdorur rrjetet sociale për të treguar disa dokumente të rreme të trajtimit të sëmundjes, si dhe fotografi ku shfaqej me maska oksigjeni dhe paterica.
Mashtrimi i Wieland-it u zbulua nga një person që do të dhuronte para.
Policia ka deklaruar se ajo ka kryer shkelje të besimit publik, ndërkohë që, ende nuk është e qartë se kush është pranë saj në foto dhe nëse dikush e ka ndihmuar për ta kryer këtë mashtrim.
Ajo pritet të dënohet në dhjetor, pasi po kryhen ende hetime.
