Pas më shumë se 1 muaji, kryeprokurorja e Përkohshme Arta Marku ka vendosur që ta sjellë Agron Gjanën në Tiranë, duke e emëruar në Prokurorinë e Tiranës.
Gjana, ish-Kryeprokurori i Durrësit, pas largimit nga prokuroria e qytetit bregdetar, u komandua në Prokurorinë e Pukës.
Vendimi për largimin nga Prokurori i Durrësit:
Në vijim të procesit për riorganizimin dhe rritjes së performancës të organit të akuzës, Prokurori i Përgjithshëm, znj. Arta Marku nënshkroi ndryshimet si më poshtë:
Duke filluar nga dita e sotme, datë 09. 01. 2018,
Agron Gjana, Drejtues i Prokurorisë së Rrethit Gjyqësor Durrës, largohet nga kjo detyrë dhe caktohet në pozicion të përkohshëm si prokuror në Prokurorinë e Rrethit Gjyqësor Pukë.
Drejtues i Përkohshëm i Prokurorisë së Rrethit Gjyqësor Durrës, caktohet zj.Donika Prela, aktualisht prokurore pranë kësaj prokurorie.
Gjana u largua në janar nga Prokuroria e Durrësit po me urdhër të Arta Markut, por ky i fundit e refuzoi:
”Nuk jap dorëheqjen, nuk jam i komanduar jam i emëruar” mësohet se është shprehur kreu i prokurorisë së Durrësit Agron Gjanaj para kryeprokurores gjatë takimit sot paradite ne Prokurorinë e Përgjithshme. Por, pavarësisht refuzimit ai është transferuar prokuror i thjeshtë në Pukë.
Prokurori i Durrësit, Agron Gjana, në prill të 2016 Ambasada e SHBA në Tiranë i refuzoi vizën.
Në shkresën e ambasadës ngrihen dyshime se Agron Gjana mund të mos kthehej në Shqipëri dhe se do ta përdorte këtë vizë për arsye emigrimi.
Sipas ambasadës, Gjana nuk kishte demonstruar se ka lidhje të forta që do ta detyronin të kthehej sërish në Shqipëri pas vizitës në SHBA.
AlpeNews.al
