Polcia e Vlorës ka shoqëruar 6 persona si të dyshuar për atentatin e ndodhur paraditen e sotme në Selenicë, Vlorë, ku mbeti i plagosur 50 vjeçari Jetnor Xhaferraj.
Fillimisht uniformat blu të Vlorës njoftuan se rreth orës 11:45, në rrethana ende të paqarta shtetasi Jetnor Xhaferraj, rreth 50 vjeç, dyshohet se pranë banesës së tij është plagosur me armë zjarri në dorë dhe ndodhet jashtë rrezikut për jetën. Ndërkohë, mësohet se 50 vjeçari është ndjekur nga autorët për derisa metra dhe në momentin kur ka qenë pranë derës së shtëpisë është qëlluar me breshëri plumbash.
Fatmirësisht, Jetnor Xhaferraj i ka mbijetuar atentatit dhe ka marrë një plumb në dorë.
Grupi i hetimit kia nisur menjëherë hetimet për ngjarjen dhe dyshohet se atentati ka ardhur si pasojë e konflikteve të vjetra të familjes Xhaferraj. Menjëherë pas të shtënave autorët janë larguar me shpejtësi nga Selenica me një mjet tip foristradë.
