Ka ndërruar jetë pas 5 muajsh në spitalin e Traumës 21 vjeçari, Edmir Nilaj, i cili u qëlluar me armë mbrëmjen e 3 shtatorit 2017 në Beltojë të Shkodrës pas një sherri në një lokal nate. Burime informacioni pranë Policisë së Shkodrës bëjnë me dije se Edmir Nilaj ka ndërruar jetë në datën 6 janar.
Autori i krimit, Admir Dekovi, që ishte edhe roje sigurie ne lokalin e natës është ende në kërkim nga autoritet policore. Ish–efektivi i forcave speciale të ushtrisë, Admir Dekovi, në 3 shtator 2017 qëlloi me plumb në kokë 21-vjeçarin Nilaj sapo doli nga një lokal me muzike “live”, në Beltojë.
Nilaj që në lokalin e natës ishte me disa shokë u konfliktua fillimisht me djemtë e një tavolinë tjetër për një aparat celular që i kishte humbur. Debatet verbale vijuan edhe jashtë teksa nën efektin e alkoolit palët nuk kursyen fyerjet karshi njëri-tjetrit.
Në këto rrethana 35-vjeçari, Admir Dekovi,nxori një armë dhe fillimisht e goditi me qytën e saj Nilajn e me pas hapi zjarr duke e lënë të plagosur.
Edmir Nilaj prej asaj dite ishte në spital, por s’ mundi ti mbijetojë plagëve të marra.
