Reperi Mozzik ka qenë së fundmi i sulmuar nga fansat pas një deklarate të të dashurës së tij, Loredanës. Me qëllimin për të fshehur lidhjen e tyre, Loredana u shpreh në një intervistë se Mozzik e kishte djalë halle.
Pak ditë më pas Mozzik e bëri lidhjen publike duke postuar një foto duke u puthur me Loredanën gjatë pushimeve. Një lumë komentesh mori Mozzik pas kësaj fotoje ku fansat e kritikonin për faktin që po puthte vajzën e hallës.
Mirëpo të vërtetën e gjithë kësaj e ka sqaruar më në fund vëllai i tij, Getinjo. Në një intervistë për emisionin “Mirage”, i pyetur çfarë mendimi ka për Loredanën, Getinjo u përgjigj: “Super janë të dy… vetëm Mozzik e ka çikë të hallës (në thonjëza), unë s’e kam, unë e kam kunatë,”, u shpreh reperi duke qeshur e duke treguar kështu se Mozzik dhe Loredana nuk kanë lidhje familjare, por vetëm ndjenjat për njëri-tjetrin i bashkojnë.
