Elbasan– Dy shoferë janë spiunuar në rrjetet sociale teksa kryenin parakalim të gabuar dhe për parkim-ndalim në krahun e gabuar të rrugës, teksa Policia e Qarkullimit i ka identifikuar, lokalizuar dhe gjobitur me 13 mijë lekë të reja në total.
Fillimisht u vendos masa administrative me 10 mijë lekë të rinj, ndaj R. Z., që ka kryer parakalimin e gabuar me automjet, në aksin Elbasan-Peqin dhe 3000 lekë të rinj, ndaj Z. B., që nuk e ka pozicionuar automjetin në krahun e djathtë të karrexhatës, në aksin Elbasan-Librazhd.“Drejtoria Vendore e Policisë Elbasan fton qytetarët që të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit”, përfundon policia njoftimin me një apel drejtuar qytetarëve.
