Një ngjarje e rëndë ka ndodhur dje në Kanionin e Matkës në Maqedoni.
Një kosovare shtatzënë ka humbur jetën ne ujërat e atij Kanioni.
Ajo është Mirjeta Curri e cila përveç që ishte shtatzënë pas vetes ka edhe një djalë të vogël.
MË HERËT
Një tragjedi e rëndë ka pllakosur dje Kanionin e Matkës dhe vizitorët e saj.
Rreth orës 16-të një shqiptare e re nga Kosova i është afruar lumit Treska për t’i larë duart, mirëpo fati i keq ka qêlluar që të rrëshqasë në ujë, thonë dëshmitarët okular.
Ujërat e shpejta në Matkë nuk i kanë lënë hapësirë kosovares që të del në brigje, ndërsa situatën e ka rënduar shtatëzania e saj.
Më në fund disa persona kanë arritur ta nxjerrin jashtë lumit kosovaren. Por ka qenë gjithçka vonë, sepse tashmë shpirti i saj i ishte drejtuar amshimit, theksojnë tutje dëshmitarët okular.
Sipas tyre ndihma e shpejtë është vonuar më shumë se një orë. Identiteti i kosovares së vdekur është i panjohur, edhe përkundër tentimit të thirrjeve tona në MPB për këtë çështje, ata ende nuk na janë përgjigjur.
