Një grua e dashuruar dhe e martuar me një kukull lecke të bërë nga nëna e saj thotë se tani ka një fëmijë me të. Meirivone Rocha Moraes, 37 vjeç, i ankohej mamasë së saj se ishte e vetmuar, ndaj ajo mori gjilpërë e pe dhe krijoi Marcelo-n.
37-vjeçarja tha se ‘lindi’ një kukull të vogël në shtëpi, një proces që zgjati për 35 minuta, ku ishin të pranishëm një mjek dhe një infermiere. Ajo tha se nuk pati aspak dhimbje, ndërsa e gjitha u transmetua online, ku u pa nga 200 njerëz, shkruan “Metro”.
Por, si të gjithë ‘burrat’, edhe Marcelo i paska disa të meta, megjithatë nuk e bezdisin aspak ‘bashkëshorten’ e tij të lumtur. “Ai ka shumë virtyte, por është dembel. Nuk punon aspak. Por unë luftoj dhe vazhdoj ta bëj për ne”.Moraes thotë se shtatzënia ka qenë normale si të gjitha të tjerat dhe babai i ‘fëmijës’ është Marcelo. “E vërtetë, Marcelo më la shtatzënë. Nuk u kujdes dhe nuk përdori prezervativ. Bëra testin dhe rezultova pozitive – nuk mund ta besoja. Nuk i ndieja kontraktimet e dhimbjeve. Të shihja placentën, kordonin umbelikal dhe gjakun e bëri të gjithën të vërtetë”.
37-vjeçarja beson se Marcelo është i vërtetë, madje shprehet se mërzitet e zemërohet kur njerëzit i thonë të kundërtën.
