Arrestohet nga policia nje i ri nga Fieri, pasi gjate kontrollit ne makine iu gjet nje arme zjarri dhe një sasi e dyshuar lënde narkotike.
Sipas policise ne pranga u vu shtetasi M. G., 22 vjeç, banues në Fier.
“Në rrugën “Kostandin Kristoforidhi”, gjate kontrollit te makines i është gjetur një pistoletë tip “Zaztava” me krehër pa fishekë dhe 0.8 gramë lëndë e dyshuar narkotike Cannabis Sativa”- njofton policia.
Njoftimi i policise
Shërbimet e Policisë të Komisariatit Nr.1, arrestuan në flagrancë shtetasin:
M. G., 22 vjeç, banues në Fier.
Në rrugën “Kostandin Kristoforidhi” është ndaluar për kontroll mjeti me drejtues shtetasin M. G. Gjatë kontrollit fizik drejtuesit të mjetit, shtetasit M. G., i është gjetur një pistoletë tip “Zaztava” me krehër pa fishekë dhe 0.8 gramë lëndë e dyshuar narkotike Cannabis Sativa, të cilat u sekuestruan në cilësinë e provës materiale.
Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Prodhim dhe mbajtja pa leje e armëve dhe municionit luftarak” dhe “Prodhim dhe shitje lëndësh narkotike”, parashikuar nga nenet 278 dhe 283 të Kodit Penal.
