Katër të rinj u arrestuan pasi iu gjetën doza me drogë.
Sipas njoftimit zyrtar të policisë, të rinjtë me iniciale I. Gj., 19 vjeç, S. Sh., 36 vjeç, A. Q., 43 vjeçe dhe A. T., 28 vjeçe, u kapën në ambientet e një hoteli në rrugën “Artan Lenja”.
Gjatë kontrolleve fizike, policia u ka gjetur doza kokaine dhe kanabisi që u sekuestruan në cilësinë e provës materiale.
Nga hetimet ka rezultuar se një nga personat që iu kishte sjellë lëndën narkotike ishte I. Gj.
Materialet i kaluan Prokurorisë së Rrethit Gjyqësor Tiranë, për veprime të mëtejshme.