Dy të rinj shqiptarë janë vënë në pranga nga policia e Genova-s, pasi u kapën me armë dhe me 1 kg kokainë. Arrestimi i tyre u bë gjatë kontrollit në një magazinë në Foce të Italisë.
‘Ansa’ shkruan se dy shqiptarët, identiteti i të cilëve nuk dihet, ishin në vëzhgim prej disa kohësh, ndërkohë që ata akuzohen për shpërndarje droge dhe për shitje të armëve. Po ashtu rezulton se shqiptarët akuzohen edhe për një vjedhje.
Në magazinë gjithashtu u kapën dhjetë mijë euro cash si dhe materiali për drogën. Ndërkohë, hetimet e policisë vijojnë për të dokumentuar ngjarjen në fjalë.
