Shaban Veizi, 54 vjeç është dënuar me burgim të përjetshëm pasi është kapur me 16 kg mall dhe po e vuan dënimin e tij në burgun e Xanias në Greqi.
Ai i ka rrëfyer gazetarit shqiptar në Athinë, Shpëtim Zinxhirisë se po kalbet në burg dhe se askush ende nuk i ka siguruar një avokat.
Zinxhiria rrëfen në lidhje me rastin:
54–vjeçari nga Konispoli përbën një rastet e rralla për drejtësinë greke dhe për indiferentizmin e shtetit shqiptar. I dënuar më 2004 me burgim të përjetshëm nga drejtësia e vendit fqinjë për trafikimin e 16 kg mall, një dënim i paparë dhe i padëgjuar ndonjëherë jo vetëm në Greqi por në mbarë planetin ku jetojmë, një gjyq që zgjati vetëm 2 minuta”.
Por sipas tij, “çudia më e madhe është për shtetin shqiptar, për Ambasadën Shqiptare në Athinë apo edhe për Drejtorin e Përgjithshëm të Policisë, me të cilin pas një komunikimi me telefon tregoi se sa i pashpirt është”, raporton Syri.
Sipas tij, dënimi ekstrem vjen vetëm për shkakun se Veizi është pjesë e komunitetit çam.
Zinxhiria shkruan:
Më 15 maj të këtij viti shqiptari kishte gjyqin ne Gjykatën e Shkallës së Lartë, por si shqiptar apo ÇAM, atij nuk i kishin dhënë avokat, kështu qe shqiptari kërkoi shtyrjen e gjyqit, i cili do të bëhet me 18 shtator të këtij viti, por edhe këtë radhe shqiptari shkon pa avokat mbrojtës.”
Nga burgu, shqiptari 54-vjeçar, baba i dy fëmijëve, i kërkon shtetit shqiptar të jetë prezent në gjykimin e tij për të parë si dënohen shqiptarët, gjithashtu kërkon ndihmën e shtetit shqiptar që të ndërhyjë për të siguruar edhe një avokat mbrojtës.
