Një 27 vjeçar ka pranuar vrasjen e shkencëtares amerikane Suzanne Eaton në ishullin grek të Kretës.
27 vjeçari grek u arrestua nga policia për t’u marrë në pyetje, pasi biologia 59-vjeçare u zhduk me 2 korrik, ndërsa po ndiqte një konferencë.
I dyshuari është i martuar dhe baba i dy fëmijëve nga Kreta. Ndërsa, më shumë detaje pritet të shpallen sot, tha policia e Kretës.
Eaton po merrte pjesë në një konferencë në Akademinë Ortodokse kur ajo u zhduk, me sa duket gjatë vrapimit, shkruan CNN.
Të hënën e kaluar, trupi i saj u zbulua nga dy banorë vendas brenda një shpelle, sipas shefit të policisë së Kretës, Konstantinos Lagoudakis.
Ajo u gjet rreth 60 metra brenda shpellës, pak metra nga vendi ku ishte parë për herë të fundit.
Shpella nëntokësore është përdorur nga ushtarët nazistë gjatë Luftës së Dytë Botërore.
