Një makinë është djegur pas mesnatës së kaluar në Elbasan. Policia njofton se automjeti i shkrumbuar është një “Audi Q7”, me targë TR 6464M. Në momentin e përfshirjes nga flakët, automjeti ka qenë i parkuar.
Ngjarja ka ndodhur në lagjen ‘Çlirimi’, ku mjeti në pronësi të shtetasit Agron Balukaj, 46 vjeç, biznesmen në fushën e tregtimit të materialeve elektrike, është djegur pjesërisht. Nga hetimet e para, policia bën të ditur se kemi të bëjmë me një ngjarje të qëllimshme. Vijon puna për identifikimin dhe kapjen e autorit të kësaj ngjarje.
Njoftimi i policisë:
Më datë 26.04.2018, rreth orës 01:30, në lagjen Çlirim, Elbasan ka rënë zjarr dhe është djegur pjesërisht mjeti i parkuar tip “Audi Q-7” me targë TR 6464 M, në pronësi të shtetasit A.B, 46 vjeç, banues në lagjen Çlirimi.
Grupi hetimor po punon për identifikimin dhe kapjen e autorit, pasi zjarri dyshohet i qëllimshëm.
Materialet do ti kalojnë Prokurorinë pranë Gjykatës së Shkallës Parë Elbasan për veprën penale “Shkatërrim i pronës me zjarr”, parashikuar nga neni 151 i Kodit Penal.
