Të tjera detaje janë mësuar nga vrasja e Etleva Kurtit në Kamëz mesditën e sotme. Ngjarja erdhi vetëm pak minuta pasi një tjetër lajm tronditi kryeqytetin ku në Paskuqan u qëlluan për vdekje 2 gra.
Gazetari i Top News, Eduart Halili, raporton nga vendngjarja se 31-vjeçarja Kurti që u gjet e vrarë me armë zjarri në Kamëz është motra e Vladimir Kurtit, ky i fundit i dënuar me burgim të përjetshëm për vrasjen e Agim Bucit, në vitin 2018.
Kjo është një nga pistat që po ndjek grupi hetimor, pra një hakmarrje e mundshme ndaj autorit.
Burime bëjnë me dije se autori është ngjitur mbi murin rrethues të banesës dhe ka qëlluar me kallashnikov në drejtim të viktimes, që ka humbur jetën rrugës për në spital.
