Një video ku avokati Tomë Gashi shihej teksa godiste me shkelma një lypës, ka bërë xhiron e rrjeteve sociale. Duke marrë shkas situata e krijuar, ka reaguar avokati Gashi.
Teksa ishte i ftuar në T7 ai ka mohuar që të ketë goditur lypësin, ndërsa theksoi se ky i fundit e ka ofenduar.
“Ka qenë shportë e plastikës, nuk është goditur asnjë person. Unë kam zyrën aty, ai vend duket se është shënjestër. Ata janë mashtrues, që keqpërdoren prej bosëve të tyre”, tha Gashi.
