U ekzekutua mëngjesin e sotëm në mes të Tiranës, “padrino i drogës”, Behar Sofia. Ai njihej edhe me emrin, Fatmir Sofia dhe ishte i lidhur me bosin turk të heroinës, Abdulselam Turgut.
66-vjeçari është qëlluar me armë me silenciator në afërsi të Piramidës mëngjesin e sotëm dhe ka ndërruar jetë pak pasi është dërguar në spital.
Pas të shtënave ai është gjetur i shtrirë në trotuar dhe i gjakosur në fytyrë, ndërsa më pas është transportuar në spital, por ka ndërruar jetë pasi ka mbërritur atje. Dyshohet se është vrarë brenda një makine dhe është hedhur në trotuar. Policia ndodhet në vendin e ngjarjes dhe po punon për zbardhjen e rrethanave.
