Prokuroria e Posaçme ka bërë një operacion të bujshëm sot, duke arrestuar ish-presidentin e vendit Ilir Meta. Ai u dërgua fillimisht në Drejtorinë e Policisë Tiranë, më pas te blloku i sigurisë te “Mine Peza”.
I vetmi që i ka shkuar në qeli është djali i tij dhe avokati. Por ndërkohë Meta ka publikuar në faqen tij në Facebook një reagim.
Postimi i Metës
Falenderoj përzemërsisht të gjithë anëtarët e Partisë së Lirisë për mbështetjen e jashtëzakonshme që më kanë dhënë deri tani.
Po kështu nga sot lufta jonë nis një faqe të re në përballjen pa asnjë kompromis me Narkoshtetin e instaluar brutalisht.
Jam i bindur në fitoren e kauzave tona kombëtare dhe demokratike!
Armiqtë e kombit tonë dhe demokracisë do u ngrijë e qeshura në buzë~
Rrëmbimi im sot në mënyrën më banditeske tregon panikun e regjimit diktatorial nga ballafaqimi me të vërtetat.
Ju siguroj se pas njohjes me vendimin e arrestimit tim ndihem më i fortë se kurrë dhe besoj edhe shumë në pafajësinë time të plotë.
Ndihem krenar që jam rrëmbyer dhunshëm nga antishqiptarët dhe shqipfolësit vetëm për patriotizmin tim dhe mbrojtjen e interesave kombëtare.
