Shefi ekzekutiv i kompanisë kineze JD.com të shitjeve online me pakicë , Liu Qiangdong, u arrestua në SHBA pasi u akuzua për sjellje seksuale kriminale. Z. Liu, një nga njerëzit më të pasur të Kinës, u arrestua në Minneapolis pak para mesnatës të premten dhe u lirua të shtunën pasdite.
JD.com tha se Liu, i njohur gjithashtu si Richard Liu, u akuzua gabimisht. Por policia thotë se hetimi është i hapur.
JD.com tha në një deklaratë në platformën sociale Weibo që Liu u arrestua në Minesota për një akuzë të pabazuar.
“Policia lokale përcaktoi se nuk kishte asnjë përmbajtje për padinë ndaj Liu dhe ai më pas ishte në gjendje të rifillonte aktivitetet e tij të biznesit siç ishte planifikuar fillimisht”, tha ai.
Policia e Minneapolit nuk dha asnjë informacion për rastin, pasi ai mbetet akoma aktiv.
“Ne morëm vendimin për lirimin e tij, kjo nuk është tregues i forcës së provave. Nuk ka absolutisht asnjë kufizim në udhëtimet e tij. Kuptimi është se në qoftë se ne duhet të kontaktojmë me të, do ta bëjmë këtë”, tha John Elder, oficer i policisë për informimin publik, për BBC.
Z. Liu ka një vlerë neto prej 7.9 miliardë dollarë aktualisht (£ 6.1bn), sipas Forbes.
