Ka përfunduar në prangat e policisë italiane shqiptari i arratisur nga qelitë e burgut.
Lekë Luca, 34 vjeç, u arrestua në fshatin Fulgatore, pas arratisjes nga burgu “Pietro Cerulli” në Trapani të shtetit fqinj.
Vetëm 48 orë pas arratisjes, Luca u pa teksa ecte në këmbë gjatë hekurudhës që lidh Trapanin me Palermon dhe u bllokua menjëherë pas një ndjekje të shkurtër.
Ai u përpoq të ikte nëpër fushat përreth por u neutralizua nga policia. Shqiptari rezulton i dënuar për drogë ndërsa është arratisur nga qelitë e burgut edhe një herë tjetër.
