Policia greke ka arrestuar shqiptarin Mikel Kasaj, i cili u arratis nga Gjykata e Vlorës një vit më parë.
Ai akuzohet për grabitje të armatosur në banesa dhe pika karburanti.
Në operacionin që u zhvillua në Athinë, ranë në pranga 6 shqiptarë dhe dy grekë.
Gjatë operacioni u sekuestruan dy pistoleta, një revolver, një kallashnikov dhe më shumë se 1 kg kanabis.
Kujtojmë këtu se Mikel Kasaj u arratis në mënyrë spektakolare nga Gjykata e Vlorës më 23 maj të vitit të shkuar.
Ai akuzohej për pengmarrje dhe në momentin e leximit të dënimit me 3.4 vite burg, mundi që të largohej nga gjykata.
